माचिस फॅक्टरीच्या मैदानातील अवैद्य रेतीसाठा कुणाचा ? ... या विभागाची डोळ्यावर पट्टी!
चंद्रपूर
शहरातील महाकाली वार्डातील बागला पोलीस चौकी मागेअसलेल्या मॅचेस फॅक्टरी मैदानात अवैद्य रेतीचा साठा
जमा असून दिवस-रात्र या ठिकाणी ट्रॅक्टरच्या माध्यमातून रेतीची साठवणूक केली जाते. परिसरातील नागरिकांना या रेती ट्रॅक्टर चालत असल्यामुळे नहाक त्रास होत असल्याची बाप समोर येत आहे.
पूर्वी या मैदानात मुले खेळ खेळत असत. परंतु या ठिकाणी रेती साठा टाकल्यामुळे मुलांना खेळण्याकरिता अडचण निर्माण झाली आहे.
एकीकडे महसूल प्रशासनाने अवैद्य रेतीवर कारवाई करण्याचे धाडसत्र सुरू असताना सुद्धा येथे रेती साठा कुणाच्या आशीर्वादाने जमा होत आहे. याकडे महसूल प्रशासनाने, तथा पोलीस प्रशासनाने दखल घेण्याची गरज असुन तसी मागणी नागरिकांनी केली आहे.
या मैदानात अवैध्य धंद्याला खूप मोठा उत आला आहे. या ठिकाणी अंधाराचा फायदा घेऊन रात्री नवयुवक दारू, गांजा, ड्रग्स अशा नशा करीत आहेत. एवढेच नाही तर आजूबाजूच्या परिसरातील नागरिकाच्या म्हणण्यानुसार या मैदानात रात्रीच्या अंधाराचा फायदा घेत नवयुवकांचे कपल अश्लील चाळे करीत असतात . रात्रीच्या वेळेस पोलीस प्रशासनाने गस्त करून इथे चालणाऱ्या अवैध्य धंद्यावर कारवाई करावी. अशी मागणी सुद्धा होत आहे.
