पांढरकवडा येथिल बँक ऑफ महाराष्ट्र चे ए.टी.एम. सुरू करा,अन्यथा आंदोलन- सुरज तोतडे
दिनचर्या न्युज :-
चंद्रपूर :- chandrapur
चंद्रपूर तालुक्यातील घुग्गुस रोडवर असलेले पांढरकवडा गाव येथे मागील काही दिवसापूर्वी चोरट्याने बँक ऑफ महाराष्ट्राचे एटीएम फोडून चोरी केले होते. तेव्हापासून येतील एटीएम बंद असल्याने परिसरातील नागरिकांना नाहक त्रास सहन करावा लागत आहे.
बँक ऑफ महाराष्ट्र पांढरकवडा मध्ये वढा, पांढरकवडा, शेणगाव, सोनेगाव. नागाळा, महाकुर्ला, धानोरा, जवळपास दहा गावातील गरीब होतकरू सभासदांचे सेव्हिंग, डीपाजीत खाते आपल्या पांढरकवडा शाखेत आहेत. त्यांना पैशाची आवश्यकता लागली तर ते बँक ऑफ महाराष्ट्र पांढरकवडा ए.टी.एम. वापरण्यात येत होते. परंतु जेव्हाचे ते बँक ऑफ महाराष्ट्र पांढरकवडा ए.टी.एम. बंद आहे तेव्हा आपल्या बँकेशी निगडित जे सभासद आहेत. त्यांना खूप अडी अडचणीचा सामना करावा लागत आहे. कारण आपल्या बँकेचा व्यवहार करण्याचा वेळ सकाळी 10.30 ते 4.00 वाजेपर्यंत आहे. ज्या सभासदांना सायंकाळी किवा रात्रोला पैशाची आवश्यकता लागायची ते ए.टी.एम. मधून काढ़त असायचे आता त्यांना ए.टी.एम. बंद असल्यामुळे ते पैसे काढू शकत नाही. त्वरित येतील बंद असलेले एटीएम सुरू करावी अन्यथा गावकऱ्यातर्फे जन आंदोलन करण्यात येईल असे माजी सरपंच सुरज तोतडे यांनी निवेदनातून बँक व्यवस्थापकांना कळविले आहे.
